ઓમિક્રોન BF.7 થતા પહેલા શું થાય છે? જાણો નવા વાયરસના લક્ષણો વિગતે I omicron BF.7 l ગુજરાત સરકાર ની ગાઇડલાઈન
ફરી એકવાર સમગ્ર વિશ્વમાં કોરોના વાયરસના કેસ ઝડપથી વધી રહ્યા છે. ભારત કોવિડ વાયરસના સંભવિત મોજા સામે લડવા માટે પણ તૈયાર છે. BF.7 Omicron સબ-વેરિઅન્ટ ફરી એકવાર ચર્ચામાં છે કારણ કે આ વેરિઅન્ટે ચીન જેવા દેશોમાં તબાહી મચાવી છે. ઓમિક્રોન સ્પૉન તરીકે પણ ઓળખાય છે, BF.7 સબ-વેરિયન્ટ, જે ભારતમાં ઓક્ટોબરમાં પહેલી વખત જોવા મળ્યો હતો, આ તેનું જ નવું સ્વરૂપ છે, જે ઝડપથી ફેલાય છે. દેશમાં અત્યાર સુધીમાં BF.7 વેરિઅન્ટના 4 કેસ નોંધાયા છે – બે ગુજરાતમાં અને અન્ય બે ઓડિશામાં.
ભારત માટે કેટલો જોખમી?
કોવિડ-19નો આ નવો વેરિએન્ટ બીએફ.7 (Covid-19 New Variant BF.7) ભારત માટે કેટલો જોખમી છે તે અંગે એક્સપર્ટ્સનું કહેવું છે કે જોખમ વધુ નથી, પરંતુ આમ છતાં અલર્ટ રહેવાની જરૂર છે. એન્ટી ટાસ્ક ફોર્સના વરિષ્ઠ સભ્ય અને કોવિડ રસીકરણ અભિયાનના પ્રમુખ ડો. એન કે અરોડાએ જણાવ્યું કે ચીનની સ્થિતિથી ભારતે ચિંતિત થવાની જરૂર નથી. કારણ કે અહીં સ્થિતિ એવી ઊભી નહીં થાય. જો કે આ સાથે તેમણે કહ્યું કે અલર્ટ રહેવાની જરૂર છે. ભારતમાં મોટા પાયે રસીકરણ થઈ ચૂક્યું છે અને તેને કારણે મોટાભાગના લોકોની અંદર સંક્રમણ સામે લડવા માટે ઈમ્યુનિટી છે.
BF.7ના લક્ષણો શું છે?
નવા BF.7 સબ-વેરિઅન્ટના લક્ષણો સામાન્ય ફ્લૂ જેવા જ છે અને તેમાં શરદી, ઉધરસ, તાવ, શરીરમાં દુખાવો વગેરેનો સમાવેશ થાય છે. તે અત્યંત ચેપી હોવાથી, તે ટૂંકા ગાળામાં લોકોના મોટા જૂથમાં ફેલાય છે. નિષ્ણાતોનું કહેવું છે કે સાર્વજનિક સ્થળોએ સાવચેતી રાખવી જરૂરી છે, કારણ કે કોવિડ-19 દરમિયાન બનેલા ઘણા નિયમો હટાવી દેવામાં આવ્યા છે અને જેના કારણે લોકો થોડા બેદરકાર બની ગયા છે.
સંક્રમણ ઝડપથી ફેલાઈ રહે છે
BF.7 સબ-વેરિઅન્ટ પણ છુપાયેલા ફેલાવાના જોખમમાં હોઈ શકે છે. છુપાયેલા ફેલાવાનો અર્થ એ છે કે તેનાથી સંક્રમિત મોટાભાગના લોકો લક્ષણો દર્શાવતા નથી, આ સ્થિતિમાં તેમની ઓળખ મુશ્કેલ બની જાય છે. તેમ છતાં, આવા લોકોમાંથી વાયરસ ફેલાવવાનું જોખમ હોઈ શકે છે, કારણ કે BF.7 માં પ્રજનન દર પણ ઊંચો છે. તેથી તે ટૂંકા સમયમાં મોટી વસ્તીમાં ચેપ લાવી શકે છે.
ગાંધીનગર, રાજ્ય આરોગ્ય વિભાગની બેઠક પૂર્ણ….
ઋષિકેશ પટેલની અધ્યક્ષતામાં યોજાઈ હતી બેઠક.
- રાજ્યમાં કોરોનાની સ્થિતિને લઈ ચર્ચા કરાઈ….
- કોવિડ ગાઈડલાઈનનું પાલન કરવા સૂચના.
- વિદેશી પ્રવાસીઓ નું ટેસ્ટિંગ અને ટ્રેસિંગ કરાશે,
- તમામ આરોગ્ય કેન્દ્રો એક્ટિવ કરવા સૂચના,
- દવાઓનો પર્યાપ્ત જથ્થો પહોંચાડવા સૂચના,
- તમામ ઓક્સિજન પ્લાન્ટની ચકાસણી કરવા સૂચના,
- તમામ સેમ્પલનું જિનોમ સિક્વંસિગ કરવા સૂચના….
- દેશમાં ફરીથી માસ્ક ફરજિયાત, કેન્દ્ર સરકારે ફરી એડવાઈઝરી જાહેર કરી.
- ભીડવાળા વિસ્તારમાં અંદર-બહાર માસ્ક પહેરો. નીતિ આયોગના સભ્ય ડો.વી.કે.પોલે આપી જાણકારી.
- 👉🏻 કોરોના આશંકાએ દરમિયાની સાવચેતી અને તકેદારી રાખી ચાલવું.
- ઘરમાં આવતાં પહેલાં સાબુથી હાથ ધોવાની આદત રાખવી, પછી બધાં કામ કરવા, જરૂર જણાય તો દેશી ઘરગથ્થું અને ગરમ પાણીનો ઉપયોગ કરવો.
બચવા માટે તરત કરો આ કામ
બદલાતી ઋતુના કારણે અનેક લોકો શરદી-ઉધરસની ઝપેટમાં આવી રહ્યા છે પરંતુ જો તમને 3 દિવસથી વધુ તાવ હોય અને બીએફ.7ના લક્ષણો જોવા મળતા હોય તો તરત કોરોના ટેસ્ટ કરાવવો જોઈએ. આ ઉપરાંત જે લોકો પહેલેથી જ કોઈ બીમારીથી પીડિત હોય તો તેમણે ખાસ ખ્યાલ રાખવો જોઈએ. આ ઉપરાંત બાળકો, વૃદ્ધો અને ગર્ભવતી મહિલાઓએ પણ સાવધાન રહેવું જોઈએ.