Whatsapp નાં નવા કોમ્યુનિટી ફિચરમાં કેવી રીતે બનાવશો તમારી કોમ્યુનિટી ? : આ રહી રીત ||Whatsapp community feature how to use | whatsapp કોમ્યુનિટી ફીચર વિશે ની સંપુર્ણ માહિતી
લગભગ બે અઠવાડિયા પહેલા Whatsapp એ નવા કોમ્યુનિટી ફીચરની જાહેરાત કરી હતી અને હવે તે એન્ડ્રોઇડ, iOS અને વેબ યુઝર્સ માટે રોલઆઉટ કરવામાં આવી રહી છે. આ નવા ફીચરની મદદથી ઘણા ગ્રુપને કનેક્ટ કરી શકાશે અને તેને મેનેજ કરવું પણ સરળ બનશે. તેનો હેતુ સમાન વિચાર ધરાવતા લોકો અને જૂથોને એકસાથે લાવવાનો છે.
ગ્રુપ નેવધુ સારી રીતે સંચાલિત કરવામાં આવશે
જણાવી દઈએ કે આ વર્ષની શરૂઆતમાં કોમ્યુનિટી ફીચરની જાહેરાત કરવામાં આવી હતી. એવું માનવામાં આવે છે કે આનાથી વપરાશકર્તાઓ અને એડમિન્સને તેમના જૂથોને વધુ સારી રીતે સંચાલિત કરવામાં મદદ મળશે. વોટ્સએપ સમુદાયને ‘ગ્રૂપોની ડિરેક્ટરી’ તરીકે જોવામાં આવે છે. આ સાથે, કોઈપણ વપરાશકર્તા પ્લેટફોર્મ પર પોતાની કોમ્યુનિટી ચલાવી શકશે.
શું છે કોમ્યુનિટી ફીચર ?
Meta CEO માર્ક ઝકરબર્ગે કોમ્યુનિટીઝ વિશે જણાવ્યું હતું કે, “આજે અમે નવા WhatsApp ફીચર માટે અમારા વિઝનને શેર કરવા માટે ઉત્સાહિત છીએ, જેને કોમ્યુનિટીઝ કહેવામાં આવે છે. 2009માં WhatsAppની શરૂઆત થઈ ત્યારથી, અમારું ધ્યાન એ છે કે આપણે મિત્રો અને પરિવાર સાથે વાતચીતને કેવી રીતે સુધારી શકીએ. , પછી ભલે તે વ્યક્તિ તરીકે હોય કે સમગ્ર સમૂહ તરીકે?”
WhatsApp Communities ફીચર્સના ફાયદા
- આ ફીચર્સ થી તમે એક સાથે કમ્યુનીટીની અંદર ઘણા ગ્રુપ એડ કરી શકશો.
- આ ફીચર્સથી લોકો સમાન કમ્યુનીટીમાં જોડાઈ શકશે.
- તમારો નંબર કોઈ ને દેખાશે નહિ
- કમ્યુનીટીમાં મેમ્બરની સંખ્યા બતાવશે પણ તમને ફક્ત એડમીન અને તમારો જ નંબર દેખાશે
- તમે મહત્તમ 50 ગ્રુપ એડ કરી શકશો
- એનાઉન્સમેન્ટ જૂથમાં 5,000 સભ્યો સુધીનો સમાવેશ કરી શકાય છે.
WhatsApp એન્ડ-ટુ-એન્ડ એન્ક્રિપ્શન સાથે પોતાની સર્વિસ ચાલુ રાખશે. આ નવા ફીચર મારફતે કોઈ ચોક્કસ ગ્રુપમાં સામેલ લોકો જ તે ગ્રૂપના મેસેજ જોઈ શકશે. જો કે કોમ્યુનિટીઝમાં સામેલ વ્યક્તિ તમામ ગ્રૂપને સંદેશા મોકલી શકે છે, પરંતુ આ મેસેજ માત્ર એવા જ લોકોને દેખાશે જેમણે આ મેસેજીસની પરવાનગી આપી છે. આ સાથે જ યુઝર્સની પાસે દુરુપયોગ વિશે રિપોર્ટ કરી શકે છે, એકાઉન્ટ્સને બ્લોક કરી શકે છે અને સાથે યુઝર્સ જે ગ્રૂપમાં રહેવા ઇચ્છતો નથી તેમાંથી બહાર નીકળી શકે છે.
કોમ્યુનિટી કેવી રીતે બનાવવી
iPhone વપરાશકર્તાઓને ચેટની જમણી બાજુએ કોમ્યુનિટી ટેબ બતાવવામાં આવે છે, જ્યારે WhatsApp વેબ સ્ક્રીનની ઉપર જમણી બાજુએ આ વિકલ્પ બતાવે છે. એન્ડ્રોઇડ યુઝર્સ પણ નવા ફીચરને અલગ ટેબમાં જોવા મળે છે. કોમ્યુનિટી બનાવવા માટે, તમારે નીચે જણાવેલ પગલાંને અનુસરવું પડશે.
- 1.સૌપ્રથમ WhatsApp ખોલો અને કોમ્યુનિટી ટેબ પર ટેપ કરો.
- 2.હવે કોમ્યુનિટીનું નામ અને વર્ણન લખ્યા પછી તમારે પ્રોફાઈલ ફોટો મૂકી શકો છો. તેનું નામ 24 અક્ષરોમાં રાખી શકો છો અને વર્ણનમાં તેનો ઉલ્લેખ કરી શકો છે.
- 3.ગ્રીન એરો ચિહ્ન પર ટેપ કરીને, તમે તમારા ગૃપ્સને કોમ્યુનિટીનો ભાગ બનાવી શકશો અથવા નવું ગ્રુપ બનાવી શકશો.
- 4.સમુદાયમાં જૂથો ઉમેર્યા પછી, છેલ્લે લીલા ચેક માર્ક આઇકોન પર ટેપ કરો.
કોમ્યુનિટી માટે સેટ કરેલી કેટલીક મર્યાદાઓ
વપરાશકર્તાઓ મહત્તમ 50 જૂથોને કોઈપણ એક કોમ્યુનિટીનો ભાગ બનાવી શકે છે.તે જ સમયે, એનાઉન્સમેન્ટ જૂથમાં 5,000 સભ્યો સુધીનો સમાવેશ કરી શકાય છે અને કોઈપણ કોમ્યુનિટીના સભ્ય તેનાથી સંબંધિત ગ્રુપમાં જોડાઈ શકે છે.